Teksa situata Covid në Shqipëri vijon të jetë problematike, shumë qytetarë të thjeshtë po vuajnë mungesën e kushteve në spitale dhe mundësive ekonomike për t'u kuruar siç duhet. Por për politikianët dhe zyrtarët tanë duket se kjo gjë nuk është problem, pasi për kurimin e tyre apo të të afërmëve ata zgjedhin spitalet më të mira dhe më të shtrenjta të botës. I tillë është edhe rasti i nënkryetarit të Bashkisë Tiranë Arbian Mazniku, i cili është filmuar nga një qytetar në një nga spitalet më të shtrenjta private në Turqi. Klinika quhet BHT Clinic dhe ndodhet në Stamboll.
Mazniku ka të shtruar aty familjarë të tij që po trajtohen për Covid, sipas qytetarit, ndërsa çmimi shkon 1500 euro dita. Ndërkohë që populli po vuan dhe po vdes çdo ditë në spitalet tona, politikanët me paratë e popullit po kurohen jashtë nëpër klinika private. Sipas qytetarit, spitalet e Turqisë janë mbushur me prokurorë dhe gjyqtarë të SPAK-ut, të cilët zgjedhin të kurohen aty.
Pavarësisht kush preket nga ky virus, qoftë popull i thjeshtë, apo të afërm të politikanëve, në fund të fundit e rëndësishme është që të gjithë meritojmë të jetojmë dhe çdokush prej nesh pavarësisht statusit social apo ekonomik meriton ta ketë jetën sa më të gjatë, jeta e secilit prej nesh vlen njësoj!
Stafi i JOQ Albania i uron shërim të shpejtë të gjithë qytetarëve shqiptarë që janë prekur nga ky virus dhe po luftojnë për t’u ringritur akoma më të fortë!
Mesazhi i mbërritur nga qytetari:
