JOQ Albania
App Store
SHKARKO
Home
JOQ Albania

E dëshpëruar, Eva Dumani i shkruan dajës nga kampi në Siri: Je e vetmja shpresë për ne, shteti po tallet me ju!
Shkruar nga: N Hoxha | Publikuar më: 17/09/2020 1:05

  • Share
  • Share
  • Share
  • Share

Pasi kanë kaluar dy ditë që nga protesta përpara kryeministrisë, ku u kërkua riatdhesimi i mbi 60 grave dhe fëmijëve shqiptarë nga kampi Al Hol në Siri, po punohet në drejtim të gjetjes së zgjidhjes.

Burime bëjnë me dije:

Ne që jemi duke u përpjekur në riatdhesimin e tyre kemi marrë shumë premtime por ende është e pamundur që bazuar në këto premtime të realizojmë diçka konkrete. Gjërat janë vështirësuar akoma edhe më shumë me mbylljen e kufijve nga Covid19.

Ndërkohë gratë dhe fëmijët shqiptarë të izoluar në kampin Al Hol, janë njoftuar në lidhje me protestën që kanë zhvilluar familjarët e tyre. Eva Dumani, një vajzë 14-vjeçare ka komunikur nëpërmjet mesazheve me dajën e saj Xhetan Ndredogji, ku ky i fundit vazhdon përpjekjet për të kthyer mbesën dhe nipin në shtëpi.

Eva tha:

Emrat e shqiptarëve i din shteti s’ka nevojë t’i jap unë. Shteti e din shumë mirë dhe kot merreni me shtetin se shteti vetëm tallet me ju. Dashka dhe emrat që jua kemi dhënë tre herë. Tallet me ne veç tallet. Allahu na ruajt në këtë hall, që nuk e zgjodhëm ne. Dajë si ti nuk ka. Allahu ta shpërbleftë. Për ne çfarë të ketë thënë Allahu i madhërishëm. O daja Xhetan të duam fort. Për mua dhe Endrin je e vetmja shpresë.

Ajo shpreson se vetëm Zoti ( Allahu) do ta ndihmojë për zgjidhjen e hallit që i ka zënë.