Ditën e djeshme, një atentat me bombë la të plagosur rëndë Preng Gjinin, i cili ndodhet i shtruar te spitali i Traumës. Së fundmi në redaksinë e JOQ ALBANIA kanë mbërritur edhe pamjet ku ai shihet në gjende të rëndë shëndetësore, me dëmtime pothuajse në të gjithë trupin dhe i intubuar. Mjekët bëjnë me dije se përsa i përket gjymtyrëve, përveç disa gishtave në dorën e majtë që rrezikojnë të priten, nuk ka asnjë problem tjetër.
Kujtojmë se policia dyshon se ngjarja e rëndë ndodhi për larje hesapesh. Shënjestra ishte kthyer në Shqipëri për të kujtuar përvjetorin e humbjes së vëllait, Tonin Gjini i "eliminuar" gushtin e kaluar. Preng Gjini rezulton të jetë marrë në pyetje pas "eliminimit" se Kastriot Reçit, i qëlluar me snajper në Rrëshen.