Çështja e detit mes Greqisë dhe Shqipërisë shumë shpejt u kthye një "tryezë debati" mes politikanëve dhe popullit. Edi Rama, si kryeministër i Shqipërisë ishte ai që drejtonte dhe shumë akuza ranë mbi të sikur ai e fali detin. Një akuzë akoma më e rëndë vjen prej historianit Arben Llalla në lidhje me vizitën më të fundit të kryeministrit shqiptar në Greqi. Sipas tij, në Athinë Edi Rama ka diskutuar për shtimin e numrit të varrezave greke në Shqipëri për ushtarët e rënë në luftën Italo-Greke në territorin e Shqipërisë.
Shënimi i plotë denoncues i studiuesit të njohur të marrëdhënieve shqiptaro-greke:
Edi Rama gjatë takimit me Micotaqin nuk bisedoi vetëm për kufirin detar të Jonit, por e vuri në dijeni kryeministrin grek duke i dhënë llogari se qeveria Rilindase, të cilën ai drejton ka nënshkruar të gjitha dokumentet për zgjerimin e varrezave të ushtarëve grekë në Këlcyrë-Kosinë edhe me rreth 2.000 varre të tjera. Edi Rama i tha Micotaqit se vazhdojmë me suksese që kjo varrezë të arrijë në rreth 4.000 varre bosh. Edi Ramaqis premtoi se shumë shpejt do fillojnë gërmimet në stadiumin e futbollit të Përmetit, por edhe në Pallatin e Sportit duke rrënuar fushën e futbollit. Rama premtoi se çdo shpenzim për blerjen e tokës për varrezat greke do t’i mbulojë qeveria shqiptare nëpërmjet ministrisë së mbrojtjes së Çashkës. Ja këto janë disa pjesëza nga llogaridhënia e Ramës në drejtim të Micotaqit që mediat shqiptare e greke nuk i thonë. Gojët e “liga” në Përmet thonë se toka prej 4 mijë metra katrorë është blerë me ndërmjetësues grekofon. Por, Edi Ramaqis do çirret: “Gënjeshtra! Gënjeshtra! Fajin e ka Saliu!”.
