Kohët e fundit kompania telefonike “Vodafone Albania” është përfshirë në një sërë skandalesh në lidhje me shërbimet ndaj klientëve dhe vjedhjeve ashiqare nëpërmjet çmimeve abuzive me orfertat. Dhe, me gjithë zallamahinë e shkaktuar, duket se nuk ka të ndalur, pasi ankesat e klientëve janë të përditshme. Një klient shkruan se ka bërë një rimbushje me 2 mijë lekë të reja më 26 shkurt, në një dyqan Vodafone pranë QTU, me qëllim që të ruante kreditin për 6 muaj, ndërsa kur e ka hapur kartën më 5 korrik ka parë që krediti ishte zeruar dhe pas ankesës për këtë gjë ende nuk ka marrë një përgjigje.
Një klient tjetër shprehet se Vodafone është një kompani e papërgjegjshme dhe për këtë arsye ka ndërruar kompani. Ky është një problem mjaft shqetësues në fakt, pasi sikur të mos i mjaftonin politikanët e babëzitur që i kanë rënë për pjesë, populli po shfrytëzohet dhe zhvatet dita-ditës edhe nga kompani private, të cilat të pashqetësuara e ushtrojnë aktivitetin e tyre hapur fare.
