Rilindja e Ramës gjen zgjidhjen për makthin në Kakavijë: Shqiptarë, bëni testin te privati dhe përkthejeni!

Teksa u njoftua se pala greke do të hapë doganën dhe do t'u ndalojë hyrjen vetëm atyre që dyshohen me COVID, një reagim qesharak ka mbërritur nga MEPJ. Ministria e Gent Cakajt ka njoftuar se pas komunikemeve me autoritetet greke u sugjeron qytetarëve shqiptarë të bëjnë tamponin tek privati dhe të përkthejnë përgjigjen në anglisht, në mënyrë që të mund të kalojnë

Njoftimi i Ministrisë për Europën dhe Punët e Jashtme:

Me qëllim përballimin e situatës dhe lehtësimin e lëvizjes që qytetarëve shqiptarë janë kontaktuar në vijimësi autoritetet greke të cilët kanë shtuar personelin shëndetësor në Pikën Kufitare të Kakavijës. Së fundi pala greke ka njoftuar se do të marrë masa the tjera për lehtësimin e situatës deri në heqjen e detyrimit për bërjen e testit. Risjellim në vëmendje se shtetasit shqiptarë mund ta kryejnë testin edhe në institucionet e licencuara shqiptare dhe ta përkthejnë përgjigjen në anglisht. Ky testim njihet edhe nga autoritetet greke dhe do ta lehtësonte më shumë situatën.

Njerëzit po shtrihen në asfalt në Kapshticë nga mungesa e ujit , në gjendje të fikti, teksa të tjerë po konsumojnë bukë të ulur në mes të temperaturave të larta. Nuk dihet kur gjendja do të normalizohet...