Është luajtur sonte ndeshja Leipzig-Atletico Madrid e vlefshme për çerekfinalet e Champions League, ku fitues kanë dalë gjermanët pas fitores 2-1.
Pjesa e parë ka qenë e ekuilibruar dhe u mbyll në barazim pa gola. Në pjesën e dytë lojtarët e Leipzig zbritën në fushë më të motivuar dhe gjetën golin e avantazhit pas 6 minutash me anë të spanjollit Dani Olmo. Përpjekjet e Atletico u shpërblyen në minutën e 71 kur Joao Felix depërtoi në zonën kundërshtare dhe fitoi një 11-metërsh të cilin e ktheu në gol vetë.
Minutat e mbetura të dy skuadrat u treguan të kujdesshme, por dy minuta para përfundimit të kohës së rregullt, mesfushori amerikan Tyler Adams me një goditje nga jasht zone falë edhe devijimit të mbrojtësit të Savic, e dërgoi topin në rrjetë.
Leipzig bëhet skuadra e dytë që kualifikohet për në gjysmëfinale të Champions League ku do të përballet me francezët e PSG, të cilët mbrëmjen e djeshme arritën një kualfikim dramatik përballë Atalantës.