U luajtën mbrëmjen e sotme dy sfidat e vlefshme për çerekfinalet e Europa League, ku u përcaktuan edhe dy skuadrat e fundit gjysmëfinaliste pas Interit dhe Manchester United që u kualifikuan dje.
Shakhtar Donetsk dhe Sevilla do të jenë respektivisht rivalët e Inter dhe Manchester në ndeshjet e ardhshme që do të zhvillohen në datat 16 dhe 17 gusht.
Shakhtar mposhti me rezultatin e thellë 4-1 zviceranët e Basel, në një sfidë të dominuar totalisht nga skuadra ukrainase.
Në sfidën tjetër mes Sevilla dhe Wolves, spanjollët 5 herë fitues të këtij kompeticioni, arritën të kualifikohen për në gjysmëfinale falë golit të sulmuesit argjentinas Lucas Ocampos dy minuta përpara përfundimit të kohës së rregullt.
Në gjysmëfinale, Sevilla do të përballet me Manchester United më datë 16 gusht, ndërsa një ditë më vonë do të luhest sfida tjetër mes Shakhtar dhe Inter.
