Kryeministri francez Edouard Philippe ka dhënë dorëheqjen pasi drejtoi qeverinë e Presidentit Emmanuel Macron për tre vjet.
Presidenti emëroi me shpejtësi në vend të tij kryetarin e djathtë të qendrës Jean Castex për të udhëhequr një ekip të ri të ministrave pas një riorganizimi. Castex, 55 vjeç, është pak i njohur në Francë, por ai ka luajtur një rol kryesor në reagimin e qeverisë ndaj pandemisë Covid-19.
Edhe pse Philippe u konsiderua më popullor se presidenti, partia në pushtet kishte rezultate të dobëta në zgjedhjet lokale në fundjavë.
Philippe u takua me Presidentin herët ditën e sotme dhe u dakordësuan që ai të jepte dorëheqjen.
Një riorganizim pritet ndërsa mësohet se në Francë është praktikë e zakonshme që presidenti të zëvendësojë një kryeministër gjatë mandatit pesë-vjeçar të tij.
Pallati Elysée tha në një prononcim për mediat se Edouard Philippe kishte "dorëzuar sot dorëheqjen prej postit të kryeministrit dhe se presidenti e pranoi atë".
Burimi: bbc Përktheu dhe Përshtati: JOQ ALBANIA