Janë shënuar edhe dy raste të reja me koronavirus në qytetin e Kukësit. Fax raporton se dy të prekurit janë dërguar me urgjencë drejt spitalit Infektiv.
Dyshohet se ata janë infektuar nga kontaktet me rastet e para, pasi kanë marrë pjesë në një varrim në fshatin Bicaj.
Kujtojmë se sot u konfirmuan 82 raste pozitive me koronavirus, ndërkohë që tre persona kanë ndërruar jetë.
Shpërndarja gjeografike e rasteve është si vijon: 30 raste në Tiranë, nga 6 raste në Shkodër, Kavajë, Fushë-Arrëz, 5 në Vlorë, nga 4 raste në Krujë, Durrës, Lushnje, nga 2 raste në Fier, Kurbin, Korçë, Berat, Dibër, Vau i Dejës, dhe nga 1 rast përkatësisht në Elbasan, Lezhë, Has, Pukë dhe Rrogozhinë.