Në burgun në Idrizovë është regjistruar i burgosuri i parë pozitiv me koronavirus Covid – 19. Krahas të infektuarit nga virusi, në izolim janë edhe dhjetë të burgosur nga qelia e tij.
Siç informoi drejtori i burgut, Bobi Mojsovski për MIA-n, i burgosuri i cili ka qenë nga Velesi ka qenë në shtëpi për fundjavë nga 24 deri më 27 qershor dhe më 30 qershor ka lajmëruar se ka temperaturë të rritur me ç’rast i është bërë test për Covid i cili ka rezultuar pozitiv.
Gjatë 24 orëve të fundit në Maqedoninë e Veriut prej 1653 testimeve të realizuara, 173 kanë rezultuar pozitiv me Covid-19.