Studentët e fakultetit ekonomik protestojnë ditën e sotme pasi kërkojnë të pajisen me diplomat e masterit.
Rreth 315 studentë kanë mbetur peng e një mosmarrëveshje mes Rektoratit dhe Dekanatit të Fakultetit të Ekonomikut.
Studentët do të kërkojnë nga Dekani të dorëzojë emrat e tyre sipas procedurës, fillimisht te Rektorati dhe pastaj të vazhdojë procedura në QSHA.
Mësohet se studentët e Fakultetit Ekonomik kanë dorëzuar më herët në rektoratin e Universitetit të Tiranës një peticion ku kërkojnë të pajisen më diplomat e studimeve master.
Rektorati i Universiteti të Tiranës ka reaguar në lidhje më këtë çështje dukë deklaruar se procesi i dorëzimit të emrave ka qenë i paligjshëm ndaj edhe i ka kthyer diplomat përsëri në fakultet pas 6 muajsh pritje.
Çështja e diplomave të Fakultetit Ekonomik ka mbërritur deri në gjykatë, sepse rektorati pretendon se Fakulteti dhe QSHA kanë shkelur ligjin. Studentët janë shprehur se kjo problematikë e tyre ka nevojë për një zgjidhje të menjëhershme dhe po ashtu kanë kërkuar një takim me rektoratin.
