Durrësi është një qytet shumë i prekur nga tërmeti i 26 nëntorit kur ende një numër pallatesh kanë mbetur të pabanuar për shkak të krisjeve që kanë pësuar.
Por braktisja e këtyre banesave ka bërë që një person të përfitojë duke hyrë në to dhe duke vjedhur orendi, kondicionerë dhe sende të tjera.
Në operacioni e koduar pallati u vu në pranga shtetasi me inicialet, Xh. K., 35 vjeç banues në Durrës.
Ai akuzohet për grabitjen e të paktën 7 banesave ndërsa materialet i kanë kaluar prokurorisë për vijimësinë e procesit.
Njoftimi:
Gjatë operacionit të koduar 'Pallati', ka përfunduar në pranga Xh. K., 35 vjeç, banues në Durrës, i dënuar më parë për veprën penale "Vjedhja".
Nga hetimet e kryera rezulton se ky shtetas, gjatë muajve të fundit, ka kryer disa vjedhje në qytetin e Durrësit, duke u futur në banesat e dëmtuara nga tërmeti, konkretisht:
– Më datë 16.04.2020, në lagjen nr. 17, Durrës, dyshohet ka vjedhur në një pallat, 10 matës uji.
– Më datë 29.04.2020, dyshohet se ka vjedhur në banesën e shtetasit N. K., matësin e energjisë elektrike.
– Më datë 29.05.2020, në lagjen nr. 18, Durrës, dyshohet se ka vjedhur matësit e energjisë elektrike në një pallat.
– Më datë 19.06.2020, në lagjen nr. 18, Durrës, dyshohet se ka tentuar të vjedhë në banesën e shtetases A. Ll., një kondicioner.
– Më datë 19.06.2020, në lagjen nr. 18, Durrës, dyshohet e ka vjedhur 10 matës uji në një pallat 5-katësh në pronësi të shtetasit Sh. H.
– Më datë 23.06.2020, në lagjen nr. 18, Durrës, dyshohet se ka vjedhur mobiliet në banesën e shtetases R. B.
-Më datë 26.06.2020, në lagjen nr. 17, Durrës, dyshohet se ka vjedhur në banesën e shtetasit S. A.
35-vjeçari do të përballet në gjykatë për veprën penale "Vjedhja".
