Dy adoleshentë janë arrestuar, pasi rrahën për vdekje një burrë të pastrehë, trupi i të cilit u gjet në një rrugicë të New Jersey, javën e kaluar.
Vajza 17-vjeçare dhe djali 15-vjeçar u akuzuan për vrasje të shkallës së parë të Bobby Hill Jr, 63 vjeç, në Camden të enjten e kaluar.
Policia gjeti trupin e viktimës në një rrugicë në afërsi të Kaighn Avenue, pak pas mesnate.
Hill vdiq si pasojë e dhunës së fortë dhe dëmtimeve në kokë.
Zyra e prokurorisë tha se gjatë hetimit, u zbuluan pamjet e kamerave ku dukeshin dy adoleshentët të hynin në rrugicë me Hill, dhe vetëm disa minuta më vonë u panë të largoheshin.
Detektivët gjithashtu morën pamjet video nga një celular që i përkiste njërit prej të dyshuarve, në të cilën dukej trupi i Hill-it të shtrirë në rrugicë pas rrahjes.
Ai u transportua në një spital të zonës, por vdiq nga plagët e rënda në kokë.
Motivet e sulmit ende nuk janë bërë të ditura, ndërkohë që dy adoleshentët u mbajtën në paraburgim.
Emrat e tyre nuk janë bërë publikë, sepse janë të mitur.
Burimi:Daily Mail|Përktheu dhe Përshtati: JOQ Albania