Parlamenti malazez ka miratuar para disa minutash draft ligjin për njohjen e Partnerëve të së njëjtit gjini. Për miratimin e ligjit nevojiteshin 41 vota, ndërsa ai është miratuar në parlament me 42 vota. Një vendim historik që i hap rrugën njohjes së martesave brenda gjinisë në vendin fqinj. Organizatat LGBTI në vend e kanë cilësuar vendimin si historik dhe si hapin e parë të madh në rrugën e gjatë drejt barazisë.
Organizata LGBTI Forum vlerësoi miratimin e ligjit si një hap historik në luftën për të drejtat e njeriut të njerëzve LGBTI në Mal të Zi.
“Me miratimin e Ligjit, i cili nuk kishte shumicën e duhur të votave vitin e kaluar, u shkrua një faqe e re në historinë e lëvizjes malazeze LGBTI dhe u dërgua një mesazh i qartë”, shkruan në një një deklaratë Forumi LGBT Progres dhe Qendra Sociale LGBTIQ, duke deklaruar se mirëpresin miratimin e Aktit të Partneritetit dhe urojnë të gjithë njerëzit LGBTI në këtë ditë historike.
“Ky është një hap i pakonceptueshëm përpara për shoqërinë malazeze dhe një gëzim i veçantë për të gjithë komunitetit LGBTI. Si një organizatë që ka mbrojtur për vite me radhë njohjen ligjore të bashkësive të të njëjtit seks dhe si pjesëmarrës aktivë në Grupin e Punës që krijoi këtë ligj, ne jemi shumë të lumtur për këtë përfundim të shumëpritur.
Ajo që mbetet thelbësore tani, zbatimi i këtij ligji në praktikë, është hapi tjetër i madh në procesin e mbrojtjes së të drejtave të njeriut të njerëzve LGBTI “, thuhet në deklaratë. John M. Barac nga Qendra Sociale LGBTIQ tha që ndjenja është e papërshkrueshme, por se rruga drejt barazisë thelbësore është përpara nesh.
“Parlamenti ka anuar me barazinë dhe dashurinë dhe ka dërguar një mesazh të qartë se Mali i Zi po ecën përpara. Shpresoj se institucionet do të justifikojnë besimin dhe do të zbatojnë në vazhdimësi këtë ligj. Sot kemi arsye të festojmë dhe të gëzohemi, dhe prej nesër do të vazhdojmë të luftojmë për barazi dhe dinjitet,” përfundoi ai.
Ditën e djeshme, Mali i Zi hapi zyrtarisht dhe kapitullin e fundit të negociatave me Bashkimin Evropian, i cili po ndiqet me ndryshime të mëdha legjislative për përafrimin dhe harmonizimin e ligjeve të vendit me ato të BE-së. / Historia-ime.com/
