Edhe pse qevria dhe Kryeministri Rama urdhëroi izolim të plotë për të dielën, shqiptarët nuk i janë bindur vendimit.
Të shumtë kanë dalë dhe kanë bërë faljen e madhe të namazit me rastin e mbylljes së muajit të shenjtë të Ramazanit, ditë që përkon edhe me festimin e Bajramit. Në disa xhami kryesore në Tiranë, Durrës, Fier, Elbasan, Kukës dhe Shkodër është faluar namazi i Fiter Bajramit.
Fotot më poshtë vijnë nga qyteti i Durrësit ku qytetarët janë falur në shesh duke ruajtur distancën nga njëri-tjetri.
Po ashtu në Kukës dy xhamitë e qytetit u mbipopulluan nga besimatërt gjatë kryerjes së ceremonisë së faljes së namazit.
Edhe në dy xhamitë e qytetit të Beratit në xhaminë e “Sahatit” dhe në xhaminë e “Plumbit” në qëndër të qytetit u krye falja e namazit. Namazi i Fitër Bajramit këtë vit ndryshe nga tradita po falet në xhami kryesisht për shkak të masave dhe protokollit të publikuar më parë dhe jo siç ka qënë tradita në pedonalen e qytetit.
Edhe në Shkodër është kryer falja e Bajramit në xhaminë e Parrucës. Ligjerata u mbajt nga imam Muhamed Sytari myfti i Shkodrës.