Mbrëmjen e djeshme, Edi Rama njoftoi në Facebookun e tij se fundjava do jetë e njëjtë si fundjavat e tjera, pra shumica e bizneseve do të jenë të mbyllura dhe lëvizja e njerëzve, sipas kategorive. Hapur, ditën e shtunë, do të jenë vetëm farmacitë dhe ushqimoret, ndërsa të dielën gjithçka e mbyllur.
E ndërsa e tillë tallje vazhdon prek kohësh, miqtë e “Rilindjes” nuk shqetësohen fare për këto masa dhe vazhdojnë të qetë në bizneset e tyre që prodhojnë miliona para edhe në paligjshmëri.
E teksa shumë biznese u gjobitën ditën e sotme nga policia, resorti "Mai Tai "i ish kryeprokurorit të Tiranës, Petrit Fushës, qendron i hapur edhe ditën e shtunë. Ai administrohet nga djali i tij i cili ka poste edhe në administratë.
Për më tepër ai i bën karshillëk shtetit duke publikuar “story” në Instagram, pa e “çarë kokën” fare për masat e koronavirusit.
Siç shihet edhe nga fotoja në lokal shihen persona teksa frekuentojnë resortin.
Kujtojmë se prokurori Fusha e ka deklaruar këtë resort superluksoz edhe në formularin e vetëdeklarimit të pasurisë, kur u paraqit para vettingut, por megjithatë, gjemb në këmbë nuk i hyri.
Diferencimi ca të nënës e ca të njerkës në Shqipëri nuk është hera e parë që ndodh, por së fundmi po bëhet tepër e shpeshtë dhe askush nuk mban përgjegjësi.
I vetmi që e pëson, është populli i thjeshtë, që nuk i fërkon shpatullat Rilindjes.
