JOQ Albania
Home

Futbollistët e Bayernit harrojnë rregullat e COVID-19, përqafohen pas golit
Shkruar nga: K Demiraj | Publikuar më: 17/05/2020 21:57

  • Share
  • Share
  • Share
  • Share

Bayern Mynih është kthyer sot përsëri në fushë pas 2 muajsh pezullim për shkak të koronavirusit duke zhvilluar ndeshjen e javës së 26 në Bundesligë ndaj Union Berlin dhe ashtu siç pritej, kanë regjistruar fitoren e radhës për të ruajtur distancën prej 4 pikësh nga Borusia Dortmund.

Ekipi bavarez gjeti fillimisht avantazhin në fundin e pjesës së parë me penalltinë e Levandovskit. Union Berlin u mundua të reagonte por Bayerni nisi vrullshëm pjesën e dytë duke kërkuar të mbyllte ndeshjen.

Ia doli që ta bënte një gjë të tillë vetëm në minutat e fundit me anë të Pavard i cili vulosi suksesin 2-0 dhe ngjiti bavarezët në kuotën e 58 pikëve pas 26 javëve kampionat. Gjithsesi, një moment që mori vëmendjen ishte thyerja e rregullave të COVID-19.

Myler shënoi, por goli i tij u anulua nga VAR. Para se të kuptohej se goli ishte i pavlfshëm, lojtarët e bayernit janë përqafuar me njëri-tjetrin duke harruar koronavirusin. Ja pamjet: