Ditën e djeshme rinisi zyrtarisht Bundesliga gjermane me javën e 26-të, teksa Dortmundi mposhti Shalken, me rezultatin 4-0, në derbin e Ruhrit, sfidë që u dominua totalisht nga verdhezinjtë.
Klubet u munduan të respektonin protokollin e masave anti-koronavirus, por Mats Humels “është kapur mat” në një moment të ndeshjes.
Mbrojtësi i Dortmundit me forcën e zakonit të një lojtari ka shfryrë hundët në fushën e lojës, duke e harruar që kjo është e ndaluar.
Tashmë pritet që të ketë një masë për këtë gjest, pasi mund të ndiqet edhe nga të tjerët në takimet e ardhshme, ndërsa padyshim që masa e marrë do të futet edhe në historinë e futbollit pasi vjen për herë të parë dhe për një arsye në dukje qesharake.