Në mbledhjen e sotme “live” në mediat online me Komitetin e Ekspertëve, Kryeministri Edi Rama ka deklaruar se plani për vendin është që deri në 18 maj të jemi mbi 90% të liruar nga masat e mara deri tani prej pandemisë.
Plani është i qartë, deri në 18 do jemi 90 e kusur % të liruar. Shqetësim mbetet transporti publik me autobuz apo furgona. Po përpiqemi të gjejmë një formulë që të funksionojë. Do jemi tërësisht të ekspozuar, prandaj duhet të kemi intensitet më të madh në sensibilizim.
Ndër të tjera ai dha lajmin e mirë edhe për fluturimet ku njoftoi se pas datës 18 maj do të rihapen.
Do të konsultojmë me ju të gjitha masat. Deri në datë 18 janë ato që janë pastaj do të vijë procesi i hapjes dhe flukseve për të hyrë në Shqipëri nga ajri apo toka, aty do të jetë një tjetër sfidë për të respektuar rregullat e karantinimit në shtëpi për ata që do të hyjnë në Shqipëri. Do të ishte mirë që ministria e Shëndetësisë të përgatisë disa materiale sensibiluzuese për qytetarët në kushtet e rihapjes për kujdes dhe respektimin e masave.