JOQ Albania
Home

Viktima më e re në Rusi, gazetarja 36-vjeçare humb jetën nga Covid-19
Shkruar nga: G Hasani | Publikuar më: 03/04/2020 10:49

  • Share
  • Share
  • Share
  • Share

Një gazetare ruse, vetëm 36 vjeç ka humbur jetën pasi u infektua me koronavirus disa ditë më parë.

Anastasia Petrova, kryeredaktore e së përjavshmes së Delovoy Interes në qytetin e Perm 1,400 kilometra në lindje të Moskës, u shtrua në spital me pneumoni në 24 mars. Autoritetet rajonale të shëndetit thanë se diagnoza e saj u vendos vetëm pas vdekjes.

Gazetarja 36-vjeçare është bërë viktima më e re nga koronavirusi në Rusi.

Petrova mësohet se e ka mbajtur të fshehtë deri në një periudhë gjendjen e saj shëndetësore, çka u kritikua edhe nga guvernatori i rajonit Perm, Dimitry Makhonin.

Ai u shpreh:

Pse heshti nëse dihej që ajo kishte koronavirus? Është e papranueshme të fshihet informacioni nga publiku! Ne nuk duhet t'i gënjejmë njerëzit!

Edhe pse e sëmurë, gazetarja punonte nga shtëpia dhe ishte shumë active për çdo ngjarje në botë.

Gazeta në të cilën ajo punonte shkroi:

Ne mbetëm pa një redaktore, një kolege, një mikeshë dhe pa një njeri shumë të dashur për ne.

Burimi: Themoscowtime | Përktheu dhe Përshtati:JOQ ALBANIA