Presidenti i Filipineve, Rodrigo Duterte, ka bërë një paralajmërim të fortë ndaj shkelësve të masave kufizuese për shkak të koronavirusit.
Në një fjalim televiziv, Duterte kërcënoi me pushkatim të mundshëm për të gjithë ata që do të shkelin rregullat e karantinës.
Presidenti i Filipineve theksoi se nuk do të tolerohet askush që mund të shkaktojë probleme, ndërsa paralajmëroi edhe ata që abuzojnë me personelin mjekësor se do të kenë ndëshkime të ashpra.
Duterte tha se ishte jetike që të gjithë të bashkëpunojnë dhe të zbatojnë rregullat e karantinës në shtëpi, pasi autoritetet po përpiqen të frenojnë përhapjen e mëtejshme të koronavirusit.
Deri më tani në Filipine kanë humbur jetën 96 persona nga koronavirusi, ndërsa janë konfirmuar pozitivisht të paktën 2311 raste.
Në tre javët e fundit po rritet me shpejtësi numri i të prekurve, gjë e cila ka bërë që autoritetet të vendosin rregulla të frikshme.
Duterte theksoi:
Kërcënimet e Duterte-s erdhën pas raportimeve në mediave për problematike të ndryshme dhe disa arrestimeve të disa banorëve në një zonë të varfër në Manila, të cilët po protestonin për ushqimin.
Duke iu përgjigjur paralajmërimeve të Dutertes, Amnesty International tha që deklarata e udhëheqit të Filipineve ishte "thellësisht alarmante".
Organizata për të Drejtat e Njeriut tha se:
Ndërkohë shefi i policisë kombëtare në Filipine tha që policia e kuptoi që Duterte po demonstronte seriozitetin e tij për rendin publik dhe askush nuk do të pushkatohej.
Burimi: France24|Përktheu dhe Përshtati: JOQ Albania