Rastet me të infektuar me koronavirus po shtohen nga dita në ditë edhe në Kosovë. Nga Instituti Kombëtar i Shëndetit Publik në Kosovë është konfirmuar edhe një një rast të ri me koronavirus.
Deri më tani numri në total i të infektuarve ka shkuar në 126 persona, sipas mediave në Kosovë.
Në njoftimin e Institutit Kombëtar i Shëndetit Publik në Kosovë shkruhet, se sot pasdite ka përfunduar testimi i 58 pacientëve që dyshoheshin se mund të kishin koronavirus dhe nga këta vetëm 1 ka rezultuar pozitiv për Covid-19.
E ditur bëhet se është një grua nga Korisha e Prizrenit, ajo që ka rezultuar pozitive për Covid-19.
Edhe në Kosovë vazhdojnë thirrjet për të qënduar në shtëpi dhe për të respektuar higjenën personale.
Postimi i plotë:
NJË RAST I RI ME COVID-19! Sot pasdite përfundoi testimi i 58 pacientëve të dyshimtë nga Klinika Infektive dhe Klinika e Pulmologjisë, ku një (1) prej të cilëve rezultoi pozitive. Pacientja është nga Korisha e Prizrenit. Do të hulumtohen të gjitha kontaktet dhe të testohen. Në këtë situatë vetëdija dhe ndihma e juaj është e domosdoshme. Mbani distancë nga tjetri. Reduktoni daljet veç në raste emergjente. Ndiqni rekomandimet nga Ministria e shëndetësisë dhe Instituti kombëtar i Shëndetësisë Publike të Kosovës. Por, nëse nuk u përmbahemi masave të rekomanduara më herët nga MSh dhe IKSHPK për qëndrim në shtëpi, respektim të masave higjienike dhe të distancimit social, atëherë rrezikojmë të kemi përhapje komunitare. NA NDIHMONI PAK QË TË JU NDIHMOJMË SHUMË!TA PARANDALOJMË KËTË! QËNDRONI NË SHTËPI, KJO UA SHPËTON JETËN! PËR TË GJITHË QYTETARËT TANI ËSHTË I OBLIGUAR VETËIZOLIMI NË SHTËPI! KOSOVA ËSHTË NË KARANTINË GJEOGRAFIKE!
