JOQ Albania
Home

Fshati Blacë vuan nga mungesa e ujit, banorët: Pimë nga puset, partitë rrahin gjoksin por asnjë masë
Shkruar nga: L Çela | Publikuar më: 18/02/2020 17:59

  • Share
  • Share
  • Share
  • Share

Shumë banorë të fshatit Blacë në Pogradec hasin vështirësi të mëdha sa i takon mungesës së ujit në zonën ku ata banojnë. Janë mbi 1300 banorë, të cilët theksojnë se pinë ujë nga puset, gurët e të cilëve janë plot myk dhe mund të ndikojë negativisht në shëndetin e tyre.

Një banor shprehet:

Fshati Blacë nuk ka ujë të pijshëm, vetëm me puse, kurse ujë të rrjedhshëm nuk ka.

Ndërkohë një tjetër thekson:

Ne mbushim ujë me puse, puset janë me gurë, ka myk dhe dëmtohet shëndeti.

Ndërkohë një tjetër banor kapet me partitë politike. Ai shton se sa herë që vijnë në atë fshat 'rrahin gjokset' duke u thënë se do i ndihmojnë, por asnjë gjë nuk është bërë.

Vijnë këtu dhe rrahin gjoksit dhe asgjë nuk kanë bërë, nga të gjitha partitë asgjë nuk ka bërë për ujin këtu.

Gjithashtu, ata i bëjnë apel shtetit që t'i japë zgjidhje situatës.

Shteti të bëjë diçka, ne duam ndihmë. Këtu nuk është bërë asgjë.