JOQ Albania
Home

Vogëlushja 14 muajshe vdes në spital me shenja kafshimesh, babai i saj akuzohet për krimin makabër
Shkruar nga: V Gashi | Publikuar më: 18/02/2020 1:00

  • Share
  • Share
  • Share
  • Share

Një ngjarje shokuese është regjistruar në Mbretërinë e Bashkuar, ku një vogëlushe 14 muajshe vdiq tragjikisht në spital, pasi dyshohet ishte torturuar çnjerëzisht nga babai i saj.

Në trupin e pajetë të vogëlushes u gjetën shenja kafshimi në dorë dhe kofshë, si dhe mjekët zbuluan se ajo kishte pësuar hemorragji në tru.

Babai i saj, 33-vjeçari Daniel Ashurst, akuzohet se shkaktoi plagët që çuan në vdekjen e vogëlushes së tij.

Ai mohoi që lëndimet ndaj vajzës së tij të jenë bërë me qëllim kur u pyet nga gjykatësja, Nina Grahame.

Madje ai mohoi autorësinë e krimit makabër, duke u shprehur se kurrë nuk e ka goditur ose kafshuar të bijën.

I akuzuari tha se e adhuronte të bijën dhe postonte foto të saj në rrjetet sociale.

Megjithatë, deklaratat e tij kontadiktore kanë bërë që të ngrihen akuza të forta për të.

33-vjeçari më vonë gjatë seancës pranoi se vuante nga depresioni, dhe konsumonte pije alkoolike dhe kokainë, për ta ndihmuar të qetësohej.

Ai tha se natën që ndodhi ngjarja kishte konsumuar kokainë.

I pandehuri fillimisht u tregoi mjekëve që vajza e tij ishte rrëzuar nga shkallët, por në një deklaratë tjetër të mëvonshme, ai tha se e bija kishte pësuar disa aksidente.

Gjykata ende nuk ka marrë një vendim, ndërsa 33-vjeçari vijon të mohojë akuzat për "vrasje".

Ngjarja ndodhi disa muaj më parë, ndërsa gjyqi ndaj tij duket se do të vijojë ende.

Burimi: Metro|Përktheu dhe Përshtati: JOQ Albania