Një aksident ndodhi mbrëmjen e sotme në Yzberisht, ku u përplasën me makinë dy kalimtarë. Bëhet me dije se drejtuesi i automjetit SH.K, 39 vjeç, banues në Fushë Prezë, ka humbur kontrollin e saj.
Për pasojë, makina ka dalë në trotuar ku dhe ka goditur dy kalimtarë të rastit. Bëhet me dije se dy të plagosurit janë M.B 29 vjeç dhe F.C 25 vjeçe.
Fatmirësisht të dy të lënduarit ndodhen jashtë rrezikut për jetën. Drejtuesi i mjetit menjëherë është larguar nga vendngjarja duke lënë makinën aty.
Njoftimi i policisë:
Tiranë/Informacion paraprak. Rreth orës 19:10, në ” Yzberisht” , në rrugën “Kadri Rroshi”, shtetasi SH.K, 39 vjeç, banues në Fushë Prezë, ka humbur kontrollin mbi drejtimin e mjetit dhe për pasojë mjeti ka dalë në tortuar ku dhe ka goditur dy kalimtarë të rastit, shtetasin M.B 29 vjeç dhe shtetasen F.C 25 vjeçe , të dy jashtë rrezikut për jetën. Drejtuesi i mjetit pas aksidentit ka braktisur mjetit dhe është larguar por pas kontrolleve të ushtruara nga shërbimet e Policisë Rrugore dhe të Komisariatit të Policisë nr 6 është shoqëruar për veprime të mëtejshme në ambientet e Komisariatit. Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
