Mbi 25 mijë vizita mjekësore janë bërë këto kohët e fundit në spitale sa i takon gjendjes gripale në vend. Raportohet se këtë vit gripi sivjetshëm ka një përhapje më të gjerë se epidemia në sezonin 2016-2017
Fëmijët janë më së tepërmi të prekurit nga virozat e gripit. Ata qëndrojnë edhe në të ftohtë në klasat e tyre, ku mungojnë ngrohëset.
Mjafton të pyesësh fëmijët në shkolla dhe ata të thonë se në çdo klasë ka mungesa të konsiderueshme që shkojnë nga 3 deri në 10 fëmijë të dyshuar me grip.
Referuar të dhënave të vetë ISHP, marrë nga buletini i gripit, piku i gripit sezonal të këtij viti që përkon me datën 2 shkurt 2020 me mbi 25 mijë vizita në javë është më i lartë se epidemia gripale e shpallur në 3 janar 2017 me mbi 21 mijë vizita në javë.