JOQ Albania
Home

U dhanë 1.15 miliardë euro, Von Der Leyen: “Do monitorohen”
Shkruar nga: L Çela | Publikuar më: 17/02/2020 20:04

  • Share
  • Share
  • Share
  • Share

Në Konferencën e Donatorëve, SHBA dhuroi 5 milionë dollarë për Shqipërinë.

Pjesa më e madhe e shumës, 3.9 milionë dollarë do përdoren për ndërtimin e një Akademie Transparence që do monitorojë administrimin në mënyrë transparente të donacioneve të pas tërmetit dhe fondeve të tjera publike.

Do monitorojë po ashtu edhe punën rimëkëmbëse dhe konservuese për monumentet kombëtare në Durrës, Krujë dhe Prezë si dhe do kujdeset për mbështetjen e Federatës Ndërkombëtare të Kryqit të Kuq e cila do të ndihmojë Kryqin e Kuq Shqiptar në ngritjen e një Qendre Operacionale Emergjencash për koordinim të bashkërenduar dhe më të theksuar në përgjigje të emergjencave të ardhshme.

Lidhur me konferencën, ‘Së bashku për Shqipërinë’ reagoi edhe Presidentja e Komisionit Evropian, Ursula von der Leyen.

Lajm i mirë për njerëzit e Shqipërisë: Ne e kaluam objektivin tonë për rindërtimin dhe arritëm një total prej 1.15 miliardë euro, përfshi këtu 400 milionë euro kontribute nga BE. Jam e gëzuar për mbështetjen. Edhe njëherë Europa qëndroi e bashkuar kur ka më shumë nevojë,” shkruan ajo.