SHBA jep kontributin për Shqipërinë, Palmer: Transparencë dhe llogaridhënie për të shkuar te nevojtarët

Gjatë konferencës 'Together for Albania' në Bruksel, i erdhi radha edhe SHBA-ve për të bërë të ditur shumën e dhuruar ndaj Shqipërisë. Gjatë fjalës së tij, Matthew Palmer bën me dije se SHBA-të dhurojnë disa milionë dollarë grante për vendin tonë.

Por si do të ndahen ato? 3.9 milionë dollarë do të shkojnë për të prekurit nga tërmeti, 800 mijë dollarë për monumentet e kulturës, si dhe 600 mijë dollarë nëpërmjet Kryqit të Kuq.

Këto të fundit do të shpërndahen për qendrat shëndetësore, mjekësinë dhe qendrat e emergjencave civile.

Palmer tha se kërkon transparencë dhe llogaridhënie nga qeveria, duke theksuar se ndihmat duhet të shkojnë aty ku duhen.

Ai tha gjatë fjalës së tij në konferencë:

SHBA ka qenë gjithmonë përkrah Shqipërisë. Zanafilla e miqësisë sonë është prej Konferencës së Versajës kur Presidenti Uillson u ngrit për të mbrojtur Shqipërinë. Ne ishim aty në vitin 1991 kur erdhi demokracia. Ne kemi tre faza, reagim, rindërtim dhe minimalizim i rrisqeve. Ne fillimisht dhamë një ndihmë të shpejtë prej 800 mijë dollarë. Qeveria e SHBA jep 3.9 milion dollar Shqipërisë në mënyrë transparente dhe llogaridhënëse për të shkuar për ata që kanë shkuar më shumë nevojë dhe në mënyrë të drejtë. 800 mijë dollar për monumentet e kulturës në Durrës, Tiranë dhe Prezë. Më pas do të japim edhe 600 mijë dollarë dhe për Kryqin e Kuq për qendra shëndetësore dhe emergjencat.