JOQ Albania
Home

‘Pranojeni këtë ndihmë në shenjë miqësie’, Serbia i dhuron Shqipërisë 2 milionë euro
Shkruar nga: L Çela | Publikuar më: 17/02/2020 17:46

  • Share
  • Share
  • Share
  • Share

Pas Greqisë dhe Italisë, edhe Serbia ka dhënë donacionet e saj në kuadër të konferencës që po mbahet në Bruksel 'Together for Albania'. Shumë shtete kanë dhuruar miliona euro për t'i ardhur në ndihmë Shqipërisë, pas tërmetit të fuqishëm të 26 nëntorit që la pasoja të mëdha.

Kryeministrja e Serbisë, Ana Brnabić gjatë fjalës së saj ka bërë me dije se Serbia do t'i dhurojë 2 milionë euro grante Shqipërisë në procesin e rindërtimit.

Brnabić shtoi më tej që Shqipëria ta pranojë këtë ndihmë në shenjë miqësie dhe të mbështetjes së Serbisë, pikërisht në momentin kur partnerët ndodhen në nevojë.

Ajo tha gjatë fjalës së saj në konferencën në Bruksel:

2 milionë euro grant për Shqipërinë dhe do të mbetemi të gatshëm të mbështesim më tej Shqipërinë në përpjekjen e saj për rindërtimin. Ju lutem pranojeni këtë ndihmë, në shenjë miqësie të mbështetjes sonë kur partnerët tanë janë në nevojë, dhe një angazhim për të ardhmen tonë të përbashkët.

Kujtojmë që Greqia dhuroi 2.5 milionë euro dhe premtoi ndërtimin e 200 shtëpive në Shqipëri. Nga ana tjetër, Italia dhuroi plot 65 milionë euro për të prekurit nga tërmeti.