Një video sa për të qeshur, edhe mjaft serioze ka mbërritur sëfundmi pranë JOQ.al. Në të duket një burrë, i cili qëndron në buzë të një prej ndarjeve të banjave të Bënjës në llixhat e Përmetit.
Ai mban në shpinë një gur të madh dhe me të ulet e ngrihet disa herë, duke të lënë të kuptosh se po mundohet të bëjë shtanga. Burri shihet duke u argëtuar në ujërat e ngrohta dhe në kohën e mirë që e ka shoqëruar në këtë ditë që ai ka zgjedhur për t'a kaluar ndryshe.
Mirëpo, një moment, teksa tenton të ulë gurin me peshë të madhe që mban në kurriz, ai humbet ekuilibrin dhe bie nga ndarja në formë tarace, në të cilën është duke qëndruar. Për fat të mirë, guri qëndron në vend dhe nuk bie poshtë tij.
Nëse guri do të kishte rënë dhe do ta kishte zënë poshtë, kjo nuk do të ishe më një video plotë humor e një ushtrimi të shkuar keq, por do të ishte kthyer në një tragjedi me pasoja të rënda.
Qytetari që ka dërguar pamjet pranë JOQ.al bën me dije se videoja është regjistruar para një jave dhe se personi në fjalë është ish-shtangist nga Përmeti.