Autoriteti Rrugor Shqiptar është një nga institucionet shtetërore ku tenderat e saj kapin vlerën e miliarda lekëve. Ku më i diskutuari dhe që përfundoj edhe në prokurori ishtë tenderi për “Unazën e Re”.Por ARRSH-ja po tenton të bëjë sërish “telebingo” me tenderat që po jep për rikonstruksionin e urave që janë shpallur si të rrezikshme.
Edhe pse në dy vitet e fundit janë shkarkuar dy drejtorë, mesa duket ky institucion është si sëmundje ngjitëse për të gjithë drejtorët.
Tenderi më i fundit i shpallur me objekt “Rikonstruksion i Ures së Kaludhit” kap shifrën e 180 milionë lekëve. Një shifër shumë e majmë kjo për një rikonstruksion, pasi me këtë shifër “ Ura e Kaludhit” mund të bëhëj nga e para. Edhe pse “ Ura e Kaludhit” mund të jetë e rëndësishme për zonën e Përmetit, ka ura të tjera në Shqipëri që janë në gjendjë më të keqë dhe që kanë një densitet më të madh makinash, siç është “ Ura e Tapizës” e cila është mjaft e rëndësishme për zonën e Veriut.
Por përveç se është një shifër mjaft e lartë, ajo çfarë bie në sy është kompania fituese e këtij tenderi “ SHKËLQIMI 07”, e cila është në pronësi të Shkëlqim Kapllanajt, i cili është vëllai i ish-kryetarit të Bashkisë Mallakastër, Agron Kapllanaj. Por një fakt që vërehët në kompanitë garuese është se ka garuar edhe kompania “ Kevin Konstruksion” e cili menaxhohet nga vëllai i Safet Gjicit.
Por përveç rikonstruksionit të “ Urës së Kaludhit”, një tjetër urë që pritet të bëhën ndërhyrje është edhe “ Ura e Dragotit”.
Në tenderin e publikuar nga Agjencia e Prokurimit Publik, ARRSH-ja ka vendosur një fond limit prej 150 milion lekësh për këtë urë. Fitues të këtij tenderi janë shpallur “ Sireta 2F dhe Euro-Alb”, me një fond prej 92 milionë lekësh. Për vetëm rikonstruksionin e dy urave, ARRSH-ja do të shpenzojë një shifër prej 272 milion lekësh. Ajo çfarë vërehet nga kërkimi tek APP-ja është se në seksionin ku shpallen fituesin e tenderave, këto dy tendera nuk janë publikuar, por janë publikuar vetëm në buletinin e 30 dhjetorit.