Në mëngjesin e sotëm, ka vdekur doktori Gjon Gjidoda në një aksident trafiku që e ka shkaktuar vet.
Doktori Gjidoda mësohet se deri tek aksidenti i rëndë ka ardhur si pasojë e mos përshtatjes së shpejtësisë dhe ka goditur murin e një shtëpie, transmeton JOQ Kosova.
Rastin e ka konfirmuar, shefi i trafikut për Rajonin e Gjakovës, Albin Sahatqija.
“Në orët e para të mëngjesit të sotëm ka ndodhur një vet aksident në fshatin Balincë të komunës së Malishevës, ku si pasojë e mos përshtatjes së shpejtësisë, viktima me inicialet GJ.GJ, në një kthesë të rrugës është rrokullisur me veturë dhe ka goditur murin afër një dyqani. Viktima është dërguar në IML për obduksion, ndërsa Policia po merret me rastin”, ka thënë Sahatqija përmes telefonit për Metron.
Ndërkohë rastin e kanë konfirmuar edhe shumë shokë dhe familjarë të doktorit Gjidoda.
