Liverpooli thjesht nuk di të ndalet së fituari. Skuadra e drejtuar nga Jurgen Klopp ka fituar 2-0 përballë Manchester United, në derbin e javës së 23-të në Premier League.
Të Kuqtë kaluan herët në epërsi nëpërmjet Virgil van Dijk që në minutën e 14’. Në vazhdim, vendasit shënuan edhe golin e dytë me Firminon por që u anulua nga VAR.
Në minutat e fundit të ndeshjes, Mohamed Sala vulosi rezultatin përfundimtar pas një kundërsulmi duke e mbyllur këtë sfidë 2-0
Me fitoren e sotme, Liverpooli tashmë shkon në kuotën e 64 pikëve, 16 më shumë se Manchester City në vendin e dytë dhe një ndeshje më pak të zhvilluar. Nga ana tjetër, kuadra e Solskjaer mbetet 34 pikë në vendin e pestë.