Ministri i Jashtëm në detyrë i Shqipërisë, Gent Cakaj mesa duket vijon të kritikohet dhe të quhet 'kalama' nga shumë analistë, politikanë, gazetarë dhe jo vetëm. Ndërkohë, ditën e djeshme, Cakaj njoftoi unifikimin e partive shqiptare në Luginën e Preshevës për të kandiduar me një listë të vetme në zgjedhjet e parlamentare në Serbi.
Por ajo që u vu re ishte mungesa e Ragmi Mustafës, i cili është kryetari i Partisë Demokratike Shqiptare të Luginës së Preshevës. Ky fundit ka reaguar me anë të një lidhje direkte me studion e RTV Ora.
Ai nuk ka kursyer kritikat ndaj Cakajt, të cilin e konsideron 'kalama' dhe thekson se gjithçka ishte mashtrim.
Mustafa tha:
Ishim në takimin e Cakaj me 22-23 dhjetor. Madje tërë ditën me 25 dhjetor dhe e kam vënë në dijeni për qëndrimin e PDSH se në këto zgjedhje nuk mund të shkohet në parlamentin serb sepse vetë serbët, opozita serbe akoma nuk ka vendosur nëse do të futet apo jo në zgjehdje. Kjo nguti nga një Ministër i Jashtëm i Shqipërisë, kushtimisht "një kalama" të nxitohet që të unifikojë nuk është në rregull. Bashkim të vërtetë nuk ka pasur. Në këto kushte dje nga radhët e PDSH-së, një parti 30 vjeçare, nuk kemi qenë të ftuar vetëm se mendojmë ndryshe. Po bëjnë lojë të ngjashme me modelin e Vuçiç dhe politikës serbe me serbët e Kosovës. Por ata bëjnë dhe investim shumë të madh. Në Luginë të Preshevës as nuk ka pasur dhe as nuk do ketë ndikim të fuqishëm të qeverisë shqiptare te shqiptarët e Luginës së Preshevës që të jenë të barabartë dhe të lirë. Presheva, Bujanoci dhe Medvegja janë të banuara me shumicë shqiptarët autoktonë.