"Perla" e lëshuar nga goja e Sandër Lleshit sot në një takim mbi sigurinë rrugore, shkaktoi "tërmet" në rrjetet sociale, por jo vetëm.
Teksa po fliste për aksidentet rrugore, ministri "rilindas" theksoi se përgjegjësi për këtë gjë do të mbajnë autoshkollat, ku shoferët që shkaktojnë aksidente kanë kryer kursin.
Kjo deklaratë e papritur e Lleshit, por e pritshme, pasi kampi "rilindas" njihet për prodhimin e "perlave" të tilla, la të habitur edhe të pranishmit në takim, ku një prej tyre i tha se patentat nuk jepen nga autoshkollat, por nga Drejtoria e Rrugëve, e cila është në varësi të plotë nga Ministria e Infrastrukturës.
Mesa duket, Lleshi nuk e ditka që patentat nuk jepen nga autoshkollat. Të shumtë ishin dhe qytetarët që i treguan vendin ministrit të "Rilindjes".
Një prej qytetarëve dërgoi një mesazh në redaksinë e JOQ Albania, ku ndër të tjera shprehej se "autoshkolla nuk mund të edukojë për një muaj një person, që është ç'edukuar në mënyrë sistematike ndër vite nga një sistem arsimor i dështuar".
Pak orë më parë në redaksinë e JOQ Albania mbërriti një video, ku policët e Lleshit kalonin në korsinë e autobuzëve, pa e prishur aspak terezinë dhe pa asnjë emergjencë, thjesht për pak "tangërllëk".
Së fundmi një tjetër rast ka mbërritur në redaksinë e JOQ Albania, ku shpaloset dhe njëherë "tangërllëku" i policëve të Lleshit në timonin e makinave të reja tip "Golf 7".
Qytetari që ka dërguar videon shprehet se një automjet i policisë rrugore, ka ecur për gati 500 metra indietro në afërsi të ish-Zogut të Zi në Tiranë.
Të kishte qenë ndonjë drejtues tjetër mjeti dhe të ecte për një distancë kaq të gjatë mbrapsht, më e pakta do të ishte një gjobë e majme.
Po në këtë rast dhe rastin e denoncuar pak orë më parë, a duhet që autoshkolla të mbajë përgjegjësi për "tangërllëkun" e policëve të Lleshit? Kush ia ka dhënë patentat policëve të Lleshit, apo duhet që vetë ministri të mbajë përgjegjësi për ministrat që ka firmosur në detyrë? Kur është vetë Policia Rrugore që shkel rregullat e qarkullimit, çfarë duhet të presim nga drejtuesit e tjerë të automjeteve?
Mesa duket, deklarata e Lleshit paska qenë për hequr përgjegjësinë nga vetja për policët që thyejnë rregullat e qarkullimit rrugor, për t'ua atribuar përgjegjësinë autoshkollave, pavarësisht se nuk janë ato që lëshojnë patentat.
Sa absurde, aq edhe qesharake, por kjo është logjika e ministrit të "Rilindjes", Sandër Lleshi.
Mesazhi i qytetarit: