Banorët e një pallati pranë shkollës "11 Janari" në Tiranë, janë përplasur sot me Policinë Bashkiake për depozitat e ujit.
Raportohet se forcat e policisë shkuan për të hequr depozitat e ujit nga pallatet, por u përballën me kundërshtimin e banorëve.
Një prej banorëve e cilësoi këtë ngjarje si katastrofë.
Në një prononcim për "Fax News", ai theksoi se banorët janë lënë pa ujë nga Bashkia, pasi nuk iu është dhënë asnjë alternativë për furnizimin me ujë.
Sipas tij, gjysma e banorëve të pallatit janë mbi 50-vjeç, ndërsa Bashkia nuk kishte asnjë urdhër dhe vendim për të hequr depozitat e ujit.
Erdhën sot dhe ju kanë hequr me ndihmën e bashkisë, sto banorët janë pa mundësi për tu furnizuar me ujë. Depozitat nuk janë vendosur në mënyrën e duhur sepse janë vendosur në kohën kur nuk kishte një rregull. Jemi në një katastrofë sot, banorët janë pa ujë. Gjysma e banorëve janë mbi 50 vjeç. Bashkia pa një vendim, pa një urdhër, kishte ardhur për të hequr depozitat e ujit. Kjo është masakër. Nuk mund t’i heqin dhe t’i lënë njerëzit pa ujë. Ne dëgjuma vetëm që erdhi policia bashkiake dhe reaguam të gjithë, hipën pleq e plaka këtu lart. Ne do të bëjmë çdo gjë bashkë. Nuk ka përgjigje sesi do të zgjidhet. Nuk e dimë, jemi të shokuar nga veprimi. Këtë nuk ta bën as serbi, as serbi nuk të lë pa ujë."
