Juventus është skuadra tjetër çerekfinaliste e Kupës së Italisë. Bardhezinjtë kanë mposhtur mbrëmjen e sotme lehtësisht me rezultatin e thellë 400 Udinesen në ‘Allianz Stadium’.
Sfida ndaj Udineses, nxori në pah formën e mirë të Gonzalo Higuain dhe Paulo Dybalës (sidomos këtij të fundit), që udhëhoqën Juventusin drejt kësaj fitoreje.
Ishte fillimisht Higuain që në minutën e 16’ kaloi Juventusin në epërsi, pas një asisti nga Paulo Dybala. Pas dhjetë minutave, pikërisht Dybala u kujdes për dyfishimin e epërsisë, duke u treguar i saktë nga penalltia.
Në pjesën e dytë, sërish Dybala shënoi një gol fantastik për 3-0, ndërsa për ezultatin përfundimtar, mendoi Douglas Costa, që shënoi nga penalltia në minutën e 61-të. Kështu, "Zonja e Vjetër" kualifikohet me lehtësi në çerekfinalen e Kupës së Italisë.