Figura e njohur në fushën e ekonomisë dhe financave të vendit, Arben Malaj, ndodhet ditën e sotme para anëtarëve të Komisionit të Ekonomisë. Malaj është detyruar të dalë para këtij komisioni, pasi qeveria nisi procedirat për shkarkimin e tij nga posti i anëtarit të Këshillit Mbikqyrës.
Malaj tha se procedurat për shkarkimin e tij janë të gabuara. Ai shtoi gjatë fjalës së tij, se këtë dhe gjithë gjërat që Kryeministri po bën keq, do t'i thotë në seancën e ardhshme parlamentare.
Në vijim, Malaj bër me dije se familja e tij është kërcënuar, ndërsa nuk nguroi të shprehte shqetësimin se pushteti po mblidhet në një dorë gjithnjë e më shumë.
Ai deklaroi:
Nuk e kam merak do jem apo s’do jem anëtar i Këshillit Mbikqyrës. Në respekt të familjes time, sakrificat për mandatet e vështira deri në kërcënime familjare, sepse për të ikur familja ime në Amerikë procedurat i ka zbatuar Ahmetaj me ata që kërkuan të ikte urgjentisht se kërcënohej njësoj si familja e një profesori tjetër. Gjërat nuk janë kaq të lehta sa i shikoni. Ngrihet natën Edi Rama dhe i çon sms Erion Braçes shkarkoni Arben Malaj, jo jo, s’janë të lehta.
Pjesën politike do ta bëj vetëm në parlament. Sepse në kulturën time Komisioni i Ekonomisë është thellësisht profesional, në parlament me poezinë e Reshat Arbanës, do t'ia qartësoj se çfarë është duke bërë keq dhe pse duhet ndalur sa më parë për të mirën e tij dhe të popullit. Unë jam i majtë i përkas të majtës dhe raportet e mia me të majtën nuk i kam të kushtëzuara me karrige politike apo profesionale."