Vedat Muriqi po kalon një moment fantastik në Turqi me Fenerbahçen, Sulmuesi i Kosovës po shënon rregullisht duke fituar edhe vëmendjen e shumë ekipeve të njohura europiane.
Megjithatë, Fenerbaçe humbi ndeshjen e fundit në kampionat me rezultatin 3-1 ndaj Sivasporit, ku nuk mungoi edhe tensioni.
Dy kartona të kuq janë marrë në minutat e fundit të takimit nga Fenerbaçe kur rezultati ishte 2-1.
Për një minutë, më saktësisht në të 93’ dhe të 94 dolën me të kuq Rodriguez dhe Tufan.
Ky i fundit kishte edhe shiritin e kapitenit, ndërsa ia dorëzoi Vedat Muriqit dhe po dilte nga fusha.
Por sulmuesi shqiptar nuk po e kapërdinte situatën dhe mes ulërimave ia ka hedhur shiritin në tokë në shenjë inati për kartonin e kuq të panevojshëm.
