Paketa e propozuar nga Rama për median, Koka: Shqipëria mund të konsiderohet vend me censurë të fortë

Gazetari Beldian Koka ka folur në lidhje më paketën anti-shpifje që pritet të kalojë në seancën e fundit të Kuvendit. Ai thotë se nëse kjo do të ndodhë Shqipëria, do të jetë një vend me censurë të fortë mediatike.

Po ashtu Koka është shprehur se nëse miratohet më 19 dhjetor kjo paketë, situata dhe sidomos në median online do të jetë problematike.

Gazetari është shprehur kështu:

Nëse në 19 dhjetor miratohet ligji, që ndryshe quhet paketa anti – shpifje situatë në media do të jetë problematike, sidomos në median online. Nëse ajo kalon në atë mënyrë që është parashikuar, seriozisht që në Shqipëri mund të konsiderohet zyrtarisht një vend me censurë të fortë mediatike.’’

Po ashtu gazetari ka thënë se AKEP do të drejtohet nga një djalë që ka qenë deri dje shefi i protokollit të kryeministrit Rama. Më tej ai ka thënë:

AKEP do të drejtohet nga një djalë që ka qenë deri dje shefi i protokollit të kryeministrit Rama dhe AMA-n pritet ta marrë nje njeri që është i afërt me kryebashkiakun Veliaj.’’