Familja e Lindita Bashës është një ndër familjet e prekura nga tërmeti i 26 nëntorit. Ajo bashkë me famijen e saj jetojnë në çadër prej plastmasi.
Gruaja nga Fushë- Mamurrasi bashkë me familjen e saj ka tre javë që jeton në çadër plastmasi. Ajo thotë se nuk ka ardhur askush ta shikojë banesën e saj dhe se ndihma i kanë dhënë katër pako të vogla.
Më tej ajo ka treguar:
Unë quhem Lindita Basha. Jam veti i 4. Ndihma me zor kam marrë nja 4 pako të vogla atë ditë që janë shpërndarë. Thashë “a kam emër?” “S’ke” më thanë. Por unë jam banore e Fushë Mamurrasit. si nuk kam emër unë? Për dritat vijnë të parët tek unë, për ndihma asnjëri. Edi Rama pa nja 4-5 shtëpi, çoi ndihma. Tek unë nuk erdhi njeri me thënë a je gjallë, a je vdek? Asnjëri nuk ka ardhur, as komisioni verifikimit. Brenda nuk rrihet. Kam frikë minutë pas minutë bie tavani poshtë. Kam vënë një hekur që të mos u bjerë fëmijëve. Iku jeta jonë. Vetëm tek unë nuk ka ardhur unë. Unë asnjë nuk e kam marrë. Unë për vete kam mbaruar… vetëm se rri në këmbë.”
Kujtojmë këtu se nga tërmeti i 26 nëntorit u shuan 51 jetë dhe me mijëra famije kanë mbetur në rrugë të madhe, pasi banesat e tyre u shkatërruan.
