Durrësi është një nga qytetet i cili është goditur më së shumti nga tërmeti i 26 Nëntorit, pasi ishte edhe më afër epiqendrës.
Pas lëkundjes së madhe, Durrësi ka mbetur si një qytet fantazmë. Kështu është shprehur ish-deputeti demokrat Florian Mima, i cili e ka prekur nga afër terrenin thotë se situata mbetet po ajo
I ftuar në Oranews, ai thotë se veç qytetarëve që kanë humbur shtëpitë, ka edhe të tjerë që ende nuk e dinë nëse banesat e tyre janë apo jo të sigurta për të vazhduar jetesën në to. E njëjta situatë është edhe me biznesin, të cilët po përballen me shumë probleme.
Ish-deputeti tha:
Jemi përditë në Durrës, një qytet që në zona të caktuara ka marrë pamjen e një qyteti fantazëm. Fytyra njerëzish të trishtuar dhe të pasigurtë, ende nuk kanë marrë një copë letër që ky pallat është i banueshëm apo jo. Edhe ku ka pasur vizita të grupeve nuk është lënë një copë letër, s’ka një vlerësim. Kanë kaluar tre javë dhe nuk kemi një mistri të hedhur për ato ndërtesa që mund të riparohen.
Biznesi në Durrës është në gjendje kastrofike. Njerëzit kanë frenuar blerjet. Vizituam dje një biznes me 400 punëtorë, ka hyrë dhjetori dhe nuk ka një ditë pune të regjistruar. Kontraktorët në Itali e kërcënojnë se do prishin kontratën.Është i detyruar të paguajë pagën e këtij muaji vetëm që të mos i largohen punëtorët.250 milion lekë të vjetra ishte fatura e pagës për dhjetorin. Besoj se fatura nëse përfshin futjen e rreziqeve të tjera që mund të ndodhin në këtë vend dhe nuk janë në dorën tonë, fatura mund të jetë e rangut të miliarda dollarëve."
