Paketa ‘anti-shpifje’, kryetari i Shoqatës së Gazetarëve Europianë: Të hiqet! Imazh i keq për vendin tonë

Paketa 'anti-shpifje' e Ramës, pritet që këtë javë të dërgohet në Parlament ku edhe do të shqyrtohet.

Mirëpo, kjo paketë apo ky ligj nënkupton një sulm të drejtpërdrejtë ndaj medias në Shqipëri nga ana e qeverisë.

Shumë pedagogë, anëtarë të shoqatave të gazetarëve apo dhe aktivistë janë shprehur kundër këtij projektligji, e cila nuk sjell gjë tjetër veçse sulm ndaj medias së lirë.

Këtë çështje e ka komentuar edhe Arbër Hitaj, i cili është kryetar i Shoqatës së Gazetarëve Europianë.

Ai deklaroi në Syri.tv se ky ligj do të ndikojë për keq në imazhin e vendin tonë dhe sipas tij, paketa 'anti-shpifje' përkthehet si sulm ndaj media dhe demokracisë.

Hitaj tha se:

Jemi në një situatë ku kemi solidaritet të jashtëzakonshëm. Të gjithë po e ndjejnë rrezikun. Gazetarët më të njohur të vendit janë shprehur kundër ligjit. Ka disa media që i kanë kushtuar emisione të përditshme. Të gjithë po e ndjejnë rrezikun. Shpresoj që ligji të tërhiqet. Tani po flasim është bërë lajm në të gjitha mediat ndërkombëtare. Imagjinoni të ketë protesta, të ketë grevë të gazetarëve. Do të ketë imazh shumë të keq vendi. Do shkojmë në Samitin e Zagrebit, si mund të ndikojë kjo në imazhin e vendit? Sulmi ndaj medias përkthehet në sulm ndaj demokracisë.