Në një kohë që vendi ndodhet në emergjencë civile për përballimin e dëmeve të shkaktuara, qeveria ende nuk ka një plan konkret për rindërtimin e banesave, që janë konsideruar si të pabanueshme, mënyrën si do financohet, vendin ku do bëhet ndërtimet dhe kush do të jenë ndërtuesit.
Lidhur me këtë paqartësi, ka reaguar edhe gazetari i ekonomisë, Klodian Tomorri.
Përmes një statusi të publikuar në "Facebook", Tomorri ka analizuar situatën pas tërmetit dhe deklaratat e kryeministrit Rama.
Sipas tij, një nga aktet më brutale të ndërhyrjes së qeverisë është ajo që në tregun e lirë quhet "bail out", ose thënë ndryshe situata kur qeveria shpëton me paratë e qytetarëve, kompani të falemintuara, që tregu i lirë "i ka dënuar me vdekje".
Ai zbulon se kjo skemë zakonisht përdoret për të shpëtuar bankat që janë në prag të falemintimit ose industri të rëndësishme.
Gazetari rekomandon se varianti më i mirë do të ishte ai i ndërtimit të lagjeve të reja, të plotësuara me infrastrukturë, shërbime publike dhe hapësira publike, gjë e cila do të sistemonte edhe katrahurën urbanistike, veçanërisht në qytetin e Durrësit.
Reagimi i plotë:
Bail out-i i ndertuesve Nje nga aktet me brutale te nderhyrjes se qeverive ne tregun e lire eshte ai qe quhet bail out. Kjo eshte situata kur qeveria shpeton me parate e qytetareve, kompani te falimetuara, qe tregu i lire i ka denuar me vdekje, ose kur ble asete qe tregu i ka refuzuar.
Zakonisht ky mekanizem perdoret per te shpetuar bankat ne prag te falimentit ose edhe industri te rendesishme, sic eshte ajo e automobilave ne SHBA. Por edhe kur perdoret per keto raste, serish bail out-i eshte perversitet, korruptiv dhe atentat ndaj tregut te lire.
Plani i qeverise per te blere apartamentet stok te ndertuesve eshte i tille. Saktesisht nje thike mu ne zemer qe i ngulet tregut te lire. Po perdoren parate e qytetareve per te blere nje mall qe tregu e ka refuzuar.
Degjova kryeministrin sot te thoshte qe nuk ja u blejme ndertuesve nese duan te bejne fitim dhe qe ne do te vendosim si tavan cmimin e tregut. Per cfare cmimi tregu behet fjale? Sepse po te ishte per cmimin e tregut do ishin shitur nderkohe ato, nuk do ishin stok. Por per shkak se tregu nuk i do jane aty te pashitura.
Pertej te gjithave, varianti me i mire do te ishte ai i ndertimit te lagjeve te reja. Te plotesuara me infrastrukture, sherbime publike dhe hapsira publike. Kjo do te rregullonte pjeserisht edhe barbarine urbanistike, vecanerisht ne Durres. Por nese qeveria eshte ne presionin e kohes per te strehuar banoret dhe ka vendosur te bleje apartamentet stok te ndertuesve, atehere tavani maksimal i cmimit duhet te jete kostoja fiskale.
Ndertuesit duhen thirrur te garojne kush e ul me shume cmimin nga kostoja fiskale. Madje edhe kostoja fiskale eshte shtrenjte per nje mall qe ka mbetur stok. Por cdo cmim mbi koston fiskale eshte korrupsion dhe marreveshje e piste per te shpetuar me para publike asete dhe kompani qe tregu i ka nxjerre jashte.