Ishin shpallur të pabanueshëm para tërmetit, banorët e Thumanës apel për shembje: Nuk futemi dot brenda, do kërkojmë botën

Shumë banorë të Thumanës kanë mbetur në qiell të hapur dhe theksojnë se kanë frikë të futen në banesat e tyre pasi nuk janë të sigurt.

Madje, Abc News raporton se disa qytetarë theksojnë se banesat ishin shpallur të pabanueshme që përpara tërmetit të 26 nëntorit, që solli pasoja fatale ku humbën jetën 51 persona.

Ata kërkojnë që pallatet të mos restaurohen, por të shemben të gjitha dhe më pas të bëhen ndërtimet.

Shumë banorë kanë vendosur këtë kusht, në të kundërt do të braktisin Thumanën.

Asnjë nga këto zonja nuk pranon që të rikthehet më në këto objekte.

Ato shprehen se :

Nuk futemi dot brenda, do të rrimë jashtë. Do dalim me qira, do kërkojmë botën, kemi frikë të hyjmë brenda, po ta shohësh pallati është i këputur në mes.

Shembja e këtyre objekteve të vjetra sipas banoreve të Thumanës duhet të jetë e vetmja zgjidhje që mund t’ju japë me shumë siguri për jetët e tyre.