Ministria e punëve të brendshme (MPB) informoi se me urdhër gjyqësor janë bërë kërkime në 34 vende në Gjorçe Petrov, Gërçec, Hasanbeg, Haraçinë, Çair, Butel, Vizbeg, Studeniçan dhe Qendër, me qëllim gjetjen e provave, transmeton Portalb.mk.
Për këtë qëllim, janë konfiskuar automjete motorike, armë, antiplumb, mbetje nga materialet pluhur, dhe materiale tjera për vërtetimin e dyshimeve.
Personat e arrestuar sipas MPB janë: 47 vjeçari F.L. dhe 38 vjeçari M.L, 28 vjeçari Q.L, 56 vjeçari N.S, 29 vjeçari I.S. dhe 30 vjeçari J.S. nga Gërçeci; ndërsa nga Haraçina janë arrestuar 43 vjeçari E.P, 34 vjeçari B.A, 28 vjeçari Sh.M dhe 34 vjeçari Sh.M .
Gjithashtu, në rrugën “Jadranska Magistrala” e njohur si rruga për Kosovë, është arrestuar dje në orët e mbrëmjes 27 vjeçari I.S. nga Krushopeki i Sarajit. Gjithashtu dje është arrestuar edhe 27 vjeçari S.I nga Shkupi, në shtëpinë e të cilit në rrugën “Makedonsa prerodba” janë gjetur 1.5 kilogtam marihuanë.
“Aktivitetet e MPB në luftën kundër krimeve të rënda do të vazhdojnë në të ardhmen, me intensitet më të madh”, kumtojnë nga MPB.
