Tërmeti dëmtoi kolonat e pallatit 8-katësh në Tiranë, banori: S’ka ardhur askush, pronarët po riparojnë dëmet

Tërmeti i 26 nëntorit ka shkaktuar dëme të shumta edhe në Tiranë.

Si pasojë e lëkundjeve të fuqishme të tokës, me qindra ndërtesa kanë pësuar dëmtime në kryeqytet.

Mes ndërtesave të dëmtuara nga tërmeti është edhe një pallat i ri 8-katësh në zonën e Laprakës, pas ish-shkollës së partisë.

Një nga banorët ka dërguar një mesazh në redaksinë e JOQ Albania, ku shprehet se kolonat e pallatit janë krisur, si dhe ndërtesa është shtrëmbëruar.

Si shumë të tjerë, ai ka denoncuar fenomenin e pazakontë që po ndodh ditët pas tërmetit, ku ndërtuesit dhe pronarët kanë nisur të riparojnë çarjet dhe dëmtimet e shkaktuara nga tërmeti në ndërtesat e prekura nga tërmeti, pa ardhur asnjë ekspert dhe inxhinier nga shteti.

Ai thekson se pronarët dhe ndërtuesit kanë sjellë inxhinierë privatë.

Sipas qytetarit, në këtë pallat jetojnë rreth 50-60 familje dhe ka dy pallate ngjitur. Më tej ai tregon se në këtë pallat ka jetuar edhe ish-drejtori i Policisë, Altin Qato.

Mesazhi i plotë:

Pershendetje JOQ! Ju lutem bejeni publike kete ose mundohuni te beni dicka per pallatin e ri 8 katesh mbrapa ish shkolles partis qe mori goditje me 26 nentor...kan sjell inxhiniera privat dhe ka krisur kollonat ka shum deme...dhe me sy ta shikosh e shikon qe ka fillu shtrembimin dhe carjet...kan fillu riparime per te zhdukur demet...jan 50_60 familje brenda dhe 2 pallate ngjitur qe ne rast shembje ky bo katastrof...nuk ka ardhur ta shikoj as1 inxhinier nga shteti...ju lutem se dita dites ky bohet me keq...esht pallati ku ka pas jetuar ish drejtori policis altin qato po qe pas ktij termeti nuk jeton ketu...Ju lutem beni dicka publike ose njoftoni njeri se ktu ka shum probleme dhe mediat nuk po na kthejne pergjigje."