Makina “futet me kokë” në asfaltin e hapur nga punimet, qytetari: Mungon sinjalistika, s’ka natë që s’bëhen aksidente këtu

Një aksident raportohet se ka ndodhur mbrëmjen e sotme në afërsi të Kamzës.

Siç shihet dhe në videon e dërguar nga një qytetar në redaksinë e JOQ Albania, një automjet është futur me makinë në një segment të rrugës ku janë kryer punime.

Sipas qytetarit, aty kalon tubacioni i ujësjellësit dhe ka dy muaj që nxjerr ujë.

Ai shton më tej se uji ka çarë asfaltin, ndërsa punonjësit "bënë sikur e rregulluan" dhe e lanë sërish ashtu.

Denoncuesi shprehet se çdo natë bëhet aksidente në këtë vend, për shkak se nuk ka sinjalistikë paralajmëruese për drejtuesit e mjeteve.

Nuk dihet nëse ka persona të lënduar nga aksidenti, ndërkohë Policia nuk ka bërë asnjë njoftim zyrtar lidhur me ngjarjen.

Mesazhi i plotë:

Pershendetje joq, ky aksident ka ndodh 100 metra pa shkuar ne kamez. Shikojeni cfar rruge e bukur. Kan hap rrugen dhe kane vene nje sinjalistike skandaloze, se ka pa shoferi e i ka hy me koke. Aty kalon tubacioni i ujsjellsit dhe ka 2 muaj qe nxjerr uj dhe ka qar asfaltin para 1 jave e rregulluan gjasme dhe e lan keshtu ska nat qe zbehen aksidente se ska as sinjalistik paralajmeruese."