Avokati i Agron Tufës, Kujtim Cakrani ka reaguar sërish në lidhje me kërcënimet ndaj ish-kryetarit të Institutit për Studimin e Krimeve të Komunizmit, i cili ka kerkuar azil politik.
Me anë të një interviste në 'Fax News', ai i ka kthyer replikën deputetit socialist, Spartak Braho në lidhje me kërcënimet ndaj Tufës.
Cakrani tha se sot janë paraqitur në prokurori dy padi për shpifje: Një për Brahon dhe një për Fatos Tarifën.
Avokati theksoi se:
Në kushtet kur këto ishin shpifje dhe fyerje, zoti Tufa më ka kontaktuar dhe më ka thënë që Brahon dhe Tarifën t’i çojmë në gjykatë. Morëm gazetën dhe pamë që kishte vepër penale. Sot ka përfunduar punën dhe kemi paraqitur dy padi veç e veç.
Më tej, Cakrani theksoi se Tufa ka bërë edhe kallzëime penale ndaj 5 personave.
Pas shumë sulmeve dhe shpifjeve, ai u drejtua në gjykatë për akuzën e shpifjes ndaj 5 personave. Filluan sulme të gjithënashme ndaj zotit Tufa, pati edhe sulme nme dhunë nga makina. Ndërsa para një muaji u kërcënua në rrjetet sociale, bashkë me të edhe unë. Pse zoti Tufa është sulmuar dhe pse pikërisht tani? Këtë duhet ta mësojnë shqiptarët dhe jo pse zoti Tufa u largua. Zoti Tufa ka bërë edhe kallëzime penale ndaj personave. ISKK është krijuar me ndihmën e të huajve, të BE, i cili pas shumë rezolutash ia arriti të motivojë Parlamentin të krijojë këtë institute. Zoti Tufa pati një detyrë të vështirë. Këta i shqetësonte e kaluara e tyre kriminale dhe filluan në mënyra të drejtëpëdrejta, në mënyra të tërthorta, të sulmohet. Ata bëjnë sulme banale ndaj zotit Tufa dhe kjo është një lojë e shtetit.